توضيح عاجل من تجمع شباب سنار

رصد _ السلطة

_الأوضاع في ولاية سنار هادية ومستقرة ولأسبوع كامل ما فيها عمليات عسكرية ، كان في طلعات جوية مشتتة هنا وهناك واغلبها في ريف محلية سنار .

_ لكن ما زال الوضع في مدن وأرياف الولاية كعب ، لا بسر عدو لا صديق ، والإنتهاكات مستمرة ، وفي شح كبير في المواد الغذائية والأدوية ، ومن هنا بنعلن تضامنا الكامل مع أهلنا بالمدن والأرياف السودانية المستباحة بشكل عام ، وتضامن خاص مع مدن وأرياف ولاية سنار المحتلة ، ومن خلال الصفحة بنرسل الشكر والتقدير لكل الساهموا في تخفيف معانات أهلنا في مختلف مناطق السودان .

المسارات الآمنة :
السفر حالياً بشارع دوبا ، والكبري دا بفتح وبقفل حسب سير العمليات العسكرية في المنطقة ، لو وصلت هناك ولقيت الكبري قافل انتظر في أقرب قرية آمنة لحدي ما الكبري يفتح .. وما تنسى قبل ما تتحرك تشيل أكل وشراب كافي وان شاء الله تصل لوجهتك بالسلامة .

2/8/2024
تجمع شباب سنار

#انقذوا_المدنيين_بولاية_سنار