عاجل… تورط ضابط وأفراد من الشرطة في قضية إختطاف المحامية ازدهار
رصد _السلطة
(حقيقة موضوع التعدي علي الاستاذه اذدهار جمعه من قبل قوه مسلحه في كريمه)
الاستاذه اذدهار الكل يشهد ليها ب وقفته الرجوليه مع كل مظلوم وكل من يلجأ ليها م بترده خايب.
الموضوع كالاتي:
الاعتداء دا يحصل كيف بالعقل كدا وييين في قوه مسلحه في ظل الارتكازات الكتيره دي وفي وضع البلد الحالي لو م كانت قوه نظاميه تابعه ل أمن البلد؟
اها نرجع نكلمكم عن سبب الاعتداء ع الاستاذه
تكفلت استاذه اذدهار بالمرافعه عن اربعه متهمين تم القبض عليهم وتفتيشهم نهارآ جهارآ وأمام الملاء في ميدان عام وم لقو عندهم اي حاجه تدينهم.
الناس ديل ساقوهم كريمه وهم في حراصه كريمه جا اتصال هاتفي ل اخ احد المتهمين المكالمه محتواها (لو داير تشوف اخوك تاني حول لينا 2 مليار) وادوهو اتكلم مع اخوهو الهو احد المتهمين واخوهو قال ليهو لو م حولته للناس ديل خلي بالك من أولادي وبالسبب دا من غير تفكير اخوهو مشا حول القروش ولحدي م حول م كان عارف انو الاتصال دا كان من قبل قوه نظاميه أو دعم سريع أو غيرو.
وبعد م حاول اتصل عليهو الاخو المتهم مره تانيه وقال ليهو الناس ديل قالو تاني عايزين 2مليار سألو قال ليهو الناس ديل منو ولقوك وين قال ليهو دي قوه مكافحة المخدرات وقبضوني وانا م عندي ذنب في شارع عام.
الأخ بعد سمع انو القوه نظاميه وتابعه ل أمن البلد اتحرك ع النيابه في نفس اللحظه وحكا الحصل ليهو والحصل ل اخوهو ومن ضمن المتهمين شباب من اولاد مروي تعرفهم الاستاذه اذدهار جمعه جيدا وتكفلت بالدفاع عنهم وإظهار الحق
وحررت بلاغات ضد ضابط مكافحه المخدرات وافراده وبعد فتح البلاغات تعرضت الاستاذه إلى التهديد في الجلسه الاخيره للمتهمين من إظهار السلاح من فوق عربه الشرطه وتم التفحيط بالعربه بجانبها بغرض التخويف.
الضابط حسا انو ح يتكيس في الموضوع بعد تم تحرير بلاغ ضده هو وافراده وحاول التودد للمتهم وطلب منو حل الموضوع ودي وقال ليهو انو البلاغ م فيهو بينه وم ح يمشي ل قدام وح تطلعو منها واذدهار دي زوله بتاعت مشاكل مشوها وانا بجيب ليكم المحامي البطلعكم منها
لكن ان تتخيلو دا الضابط والله ع م اقول شهيد.
يعني الضرب اذدهار عرفتوهو منو ح نسكت ل متين ع الوضع وح نخاف ل متين والبلد دي ماشه لوين.
وعندي حاجات كتيييره دي ولا 1٪ من الحاصل ح انشرا فيما بعد
دي الأشعار البثبت كلامنا👇👇
شاركها على
