تفاصيل جديدة من كيكل عن دخول الدعم السريع للجزيرة

رصد _ السلطة

‏كيكل قال السلم الفرقة بمدني مقدم طيب اولاً قائد الفرقه لواء ركن اسمه أحمد الطيب وصاحب كيكل عدييييل اللواء ده اخو كيكل مهرب سلاح قبضوه في الجزيرة كان فقام أحمد الطيب قائد الفرقة ادخل وفكاه الكلام ده ذكرته في فيديو زمان وده صورة كيكل مع أحمد الطيب زمان قبل كيكل يمشي الدعم السريع بعد الحرب .

كيكل ماداير يجيب سيرة أحمد الطيب عشان يرد ليه الجميل وعشان العلاقة البينه وبين أحمد الطيب .بحكم إني من مواطني مدينة ودمدني والجزيرة كنت متابع اقتحام الدعم السريع للجزيرة العام الماضي وكيكل هو من قاد الدعم السريع لدخول الجزيرة بطرق مختلفه بشرق الجزيرة حتى وصول كبري حنتوب لأنه يعلم تلك الطرق جيدا بحكم انه من مواطني شرق الجزيرة .

اللواء الطيب يوم سقوط مدني كان واقف في كبري حنتوب وأمر قوات المدرعات الكانو واقفين في الكبري بانزال المدرعات فحصل خلاف وقال ليه صغار الضباط والجنود في كبري حنتوب ان الخطوة دي ياسعادتك حاتخلي الدبابات عرضة للاستهداف وتكشف الكبري وفعلا اول مدرعة نزلوها الدعامة استهدفوها اللواء الطيب قام انسحب مشى مع اثنيين من الضباط مكاتب جهاز الأمن غرب مدني وقلع اسبليطاتو هناك وقال ليهم انسحاب وكان في قناصين في عمارتين مقابلات الكبري لمنع تقدم الدعم السريع.

لم شافوا اللواء انسحب من منطقة الكبري هم انسحبو قبل مااادعامة ذاتو يصلو الكبري أثناء ما المعارك شغاله احد الضباط طلع يشوف القناصة لقى انهم تركوا مواقعهم وغير متواجدين .

ثاني يوم من سقوط مدني طلعت لايف ووضحت التفاصيل وحتى وضحت اللواء أحمد الطيب بعد وصوله سنار فطر بشنو الصباح . اللواء انسحب وفر وخلى الجنود والضباط كل واحد يواجه مصيرو وده في حد ذاته يعتبر هروب من الميدان .

قيادة الجيش أصدرت بيان حينها وقالت حاتجرى تحقيق تطلع الرأي العام علي نتائجه ولكن حتى اللحظة بح لا شاف ولا شفنا ولا سمعنا نتيجة. فكيكل اللواء أحمد الطيب وين ورينا وقت رجعت الجيش وشغال محاضرات الأيام دي وريهم طيب انت دورك كان شنو في ديسمبر 2023 وقت الدعم السريع دخلت الجزيرة ؟

شاركها على