انصاف فتحي .. الفنانين أكثر شرائح المجتمع حبًا للوطن
الفنانة إنصاف فتحي .. الفنانين ديل أكثر شرائح المجتمع حبًا للوطن لأن الوطن عند الفنان مرتبط بالجمال المطلق
ـ قال الفنانة إنصاف فتحي أن واحدة من إفرازات الحـ رب السيئة إنها شهرت ناس كتار ما كان حيشتهرو إلا في بيئة زي بيئة الحرب هذه البيئة القاسية اللي علشان تشتهر فيها لازم تخون غيرك وتصنف نفسك إنك الأكثر وطنية والأكثر حبا للسودان.
في شافع كدا من الشفع اللي شهرتهم الحرب وهو ما شافع بيولوجيا لكنه شافع على المستوى الفكري واللغوي وحجم الثبات الإنفعالي تجاه الشهرة الحديثة اللي لقاها.
المهم الشافع دا لا يجيد سوى تخوين الفنانين والمزايدة على افعالهم وعاوز يبني شهرته على أكتاف الفنانين.
الفنانين ديل اكثر شرايح المجتمع حبًا للوطن لأن الوطن عند الفنان مرتبط بالجمال المطلق إبتداءا من الوطن في الأغنيات ( وطن المحبة والتسامح ) مرورا بوطن الشهرة والناس اللي بتحبه.
ما حتجي انت كزول اشتهر في زمن كعب زي زمن الحرب دا تعلم ليك فنان ليهو قرابة التلتين سنة بغني (في الفؤاد ترعاه العناية بين ضلوعي الوطن العزيز ) وبغني ( كل أجزاءه لنا وطن ) ونقطة آخر السطر
