مسلسل اختطاف دارفور في سويسرا
رصد – السلطة
كتب إدوارد المصري
نقلا عن الدكتورة جيلان قاسم
#السودان: ١٩ /اغسطس/٢٠٢٤
طبعا سامعين عن مؤتمر چنيف لحل أزمة السودان
بحضور امريكا – بريطانيا – سويسرا – مصر – السعودية – الامارات
الغريب بقا يا عزيزي
ان السودان نفسها مجتش
يعني السودان مراحتش تحل ازمتها .. غاب وفد الجيش السوداني الممثل لدولة السودان
و ذهب وفد الدعم السريع
♦طب هل هنا بقا البرهان تخاذل .. او رافض للسلام و عايز يستمر في القتال
الاجابة : لأ
لكن اللي حصل بالظبط ان البرهان مش قادر يتحمل الضغوط اللي بيتعرض لها من امريكا .
الضغوط دي متمثلة في ان بايدن عايز يعقد صفقة سياسية فيها امريكا توصل لاتفاق يضمن منطقة حكم للدعم السريع . تقسيم السودان زي ما قولنا من اغسطس 2023
و البرهان خايف طبعا ينفذ صفقة زي دي لأن التاريخ مش هيرحمه طبعا .
ف امريكا بتلعبها معاه بطريقة انها تجبره يتعرض لهزيمة في منطقة دارفور
تنفيذ قرار مجلس الامن رقم 1706 بحظر الطيران العسكري فوق دارفور .. القرار ده بقا صادر امتي سعادتك في 31 اغسطس 2006
ف بايدن غالبا فقد الوعي و الاحساس بالزمن الي جانب فقدان الذاكرة
و هنا بقا واضح جداااا ان امريكا عايزة تلزم الجيش السوداني بعدم الطيران حربيا فوق دارفور .. عشان توسع المجال للدعم السريع انه يدمر دارفور تماما لحين اعلانه السيطرة عليها
يعني امريكا بتقلم أظافر الجيش السوداني دعما للدعم السريع
” و يجي قطيع مراكيب الاخوان يقولك الامارات “
و مش بس كده
نوووووو : امريكا عايزة تضع معابر الولايات السودانية تحت حماية قوة دولية و تنتزعها من السيادة السودانية .
و لأن البرهان عارف كويس انه اساء اختيار الجانب اللي يقف معاه بذهابه الي ابواب اخري يطرقها غير باب مصر
حس انه مش هياخد حق و لا باطل
و ان الاطراف الغربية تقف الي جانب صفقة الدعم السريع
قرر انه ميروحش
و انه يفوض مصر و الامارات و السعودية يتفاوضوا نيابة عنه في وقف اطلاق النار
لازم هنا نجاوب علي سؤالين مهمين :
ليه امريكا عايزة تدعم صفقة الدعم السريع
الاجابة عشان الاستيلاء علي ابار البترول و الدهب السوداني باتفاق مع الدعم السريع
” الدهب اللي كان حميدتي بيبيعه ل بوتين .. و لما بوتين دخل تحالف مصر الامارات السعودية وقف التعاون مع حميدتي .. واتجه للتعاون بشكل شرعي مع البرهان “
ليه المفاوضات فشلت
الاجابة : مش عشان البرهان مراحش
ده عشان مصر – السعودية – الامارات أصرت علي وحدة الاراضي السودانية
و سويسرا اعلنت الحياد .
و طبعا طلع المتحدث باسم الدعم السريع يصول و يجول بشعارات ان الجيش السوداني لا يريد السلام و يريد الاستمرار في الحرب
و مجازر انهاردة في دارفور و الفاشر و ولاية الجزيرة بيرتكبها الدعم السريع .
♦هنا بقا يا عزيزي لازم البرهان ياخد نفس عميق
و يشوف هيعمل ايه في الكارثة اللي هو فيها دي
يروح لمييييين يرجع لمصر تاني
و يطالب مصر انها تساعده في حاجتين :
◾تكوين حكومة انتقالية تقود السودان لحين الاستقرار
◾العودة لاتفاقية جدة
و الحقيقة من وجهة نظري
ان البرهان بيهذي
اتفاق جدة ده كان في 11 مايو 2023
يعني فات عليه سنةو نص و فشلوا انهم ينفذوه .. جي انهاردة يطالب مصر تتصرف
ايه هو اتفاق جدة ده :
المؤتمر اللي اتعمل في جدة في السعودية بعد شهر من اندلاع الحرب الاهلية السودانية
و اتفقوا علي شوية بنود انشائية كده عبارة عن بديهيات
▪حماية المدنيين في مناطق القتال
▪السماح بعمل ممرات آمنة للنزوح
▪الامتناع عن تجنيد الاطفال
▪اجلاء الجرحي و المصابين
▪احترام القانون الدولي و الانساني
طبعا لو طفل في ابتدائية راجع البنود دي هيكون تعليقه ايه السذاجة دي … السودان انتهي اصلا .
اتفاق جدة ايه اللي بيدور عليها البرهان
لكن هو مجرد بيحاول يكسب وقت مش اكتر
ويكسب وقت ليه
بردو محدش عارف
مين هيلتزم بردو بالكلام ده
الدعم السريع اللي ارتكب فظائع اكبر من الصهاينة
♦طيب خلاصة الحرب دي ايه التقسيم
مادامت بريطانيا و امريكا دعموا الفكرة
يبقا هي دي النهاية الحتمية للسودان ؛
طب و مصر هتسكت .
لاخر وقت مصر هتقاوم مع امريكا للحفاظ علي سيادة السودان و وحدته
بس ده حلم جميل زي احلام القيلولة كده .. السودان اتقسمت بالفعل
و دي الصفقة اللي هتمضي عليها الحكومة اللي هيعملها البرهان عشان تشيل القرار ده.
شعب أهان جيشه راح
تراب الارض أهانه و شرده و حاليا التراب هيتخلي عنه
شارك
